Paano Mag-apply para sa Hawaii Health Access Program – Mga Mahalagang Deadline

Bukas na Enrollment 2024

Maaari kang mag-apply para sa Hawaii Health Access Program sa panahon ng bukas na enrollment, na mula Nobyembre 1, 2024 hanggang Enero 15, 2025.

1. Punan ang application na ito para sa coverage sa kalusugan

Kaiser Permanente for Individual and Families Application (sa Ingles)

Para alamin pa ang tungkol sa mga benepisyo ng KP HI Standard Platinum 0/10 na plano, tingnan ang (sa Ingles) Buod ng Mga Benepisyo at Coverage para makita ang mga pangunahing feature ng plano. Maaari ka ring makakuha ng papel na kopya anumang oras nang walang singil sa pamamagitan ng pagtawag sa Mga Serbisyo sa Miyembro sa 1-800-632-9700 (TTY 711) Lunes hanggang Biyernes, 8 a.m. hanggang 5 p.m. at Sabado, 8 a.m. hanggang 12 p.m. Oras sa Hawaii (sarado sa mga pangunahing holiday). Hindi naaangkop ang mga copay na nakalista sa mga dokumentong ito para sa karamihan ng pangangalaga sa mga pasilidad ng KP kapag naka-enroll ka sa Hawaii Health Access Program.

Tandaan: HINDI kailangan ang mga numero ng Social Security o mga tax identification number para mag-apply para sa Hawaii Health Access Program , pero kung mayroon ka nito, mangyaringisama ito sa application.

Kailangan pa ng tulong sa pagsagot ng application?

2. Sagutan ang form na ito para sa subsidiya ng Hawaii Health Access Program ng Kaiser Permanente. (Siguruhing magsama ng patunay ng kita kapag ipinadala mo ang iyong application.)

Form ng Application ng Kaiser Permanente para sa Subsidiya (sa Ingles) at magsama ng patunay ng kita.

Narito ang mga pinakamagandang paraan para ipakita ang patunay ng iyong kita:

Kung tumatanggap ka ng paycheck o direct deposit, kailangan namin ang:

• iyong huling 2 paycheck stub, o
• ang iyong pinakabagong W-2, o
• ang iyong pinakabagong statement ng sahod o buwis

Kung nagtatrabaho ka para sa sarili mo, kailangan namin ang:

• Schedule C at pahina 1 ng iyong huling federal tax return (na ipinapakita ang iyong na-adjust na kabuuang kita bago bawasan ng mga buwis), o
• nakumpletong Profit and Loss Statement form

Kung binabayaran ka nang cash, kailangan namin ang:

• pinirmahang sulat ng kita mula sa iyong employer sa company letterhead o ang Reporting Form for Other Income (Reporting Form para sa Ibang Kita) (sa Ingles).

Kung mayroon kang kita mula sa ibang pinagkukunan (halimbawa: social security, mga benepisyo sa pagiging walang trabaho):

• magsama ng dokumentasyon na nagpapakita ng patunay (halimbawa: statement ng benepisyo)

Kailangan ng tulong sa pagkumpleto ng form para sa Pagiging Kwalipikado sa Subsidiya? Maghanap ng lokal na organisasyon na malapit sa iyo na makakatulong (sa Ingles).

3. Ipadala ang iyong nakumpletong mga form at patunay ng kita sa isa sa mga sumusunod na opsyon:

Sa pamamagitan ng email: (mas gusto)
CHC-Applications@kp.org
Sa pamamagitan ng Koreo:
Kaiser Foundation Health Plan, Inc.
California Service Center
P.O. Box 939095
San Diego, CA 92193-9095

Sa pamamagitan ng fax:
1-855-355-5334

Tandaan: Ang pagpapadala ng iyong mga form sa amin ay hindi ginagarantiya na maaaprubahan ka para sa Hawaii Health Access Program. Maaari kaming humingi sa iyo ng higit pang impormasyon para malaman kung kwalipikado ka.

Kailan ka makakatanggap ng tugon mula sa amin: Ipapaalam namin sa iyo kung maaari ka naming isama sa Hawaii Health Access Program pagkatapos naming matanggap at masuri ang iyong mga nakumpletong form at patunay ng kita.

*Hindi ginagarantiya ang patuloy na pagiging kwalipikado para sa Hawaii Health Access Program. May karapatan kaming isara ang enrollment o baguhin ang mga panuntunan sa pagiging kwalipikado anumang oras. Kung maaaprubahan ka para sa HHAP, limitado ang panahon ng subsidiya at makikipag-ugnayan kami sa iyo sa hinaharap para kumpirmahing kwalipikado ka pa rin.